Um mig

Ég tók nýlega þá erfiðu ákvörðun að segja upp vinnunni sem ég elskaði til að fara af fullum krafti í að skapa lausnir með hjálp gervigreindarforritunar. Ekki vegna þess að ég væri með einhverja fullkomna áætlun, heldur vegna þess að löngunin til að skapa var orðin sterkari en þægindin í því að halda kyrru fyrir.

Ég hef unnið í mörg ár í verkefna- og vörustjórnun. Þar hef ég séð hvernig fyrirtæki vinna, hvar hlutirnir fara að hiksta og hvað gerir muninn á ferli sem virkar í alvörunni og ferli sem er bara til á blaði. Sú reynsla hefur kennt mér að sjá hvar fólk er að leggja meira á sig en þarf, vinna í kringum tól sem virka bara svona hálfvel og eyða tíma í hluti sem ættu að vera miklu einfaldari.

En ég er líka trúbador (fimman.is), foreldri og fjölskyldumaður. Hugmyndirnar mínar koma ekki bara úr vinnunni, heldur líka úr lífinu sjálfu - úr heimiliskaosi, utanumhaldi, samhæfingu og allri þessari mannlegu flækju sem fylgir því þegar margt þarf að ganga upp í einu. Þaðan koma flestar hugmyndirnar mínar. Ekki úr markaðsrannsóknum, heldur úr raunverulegu lífi og hugsuninni: af hverju er þetta ekki betra?

Gervigreind í hugbúnaðargerð gerir mér kleift að smíða markvissar lausnir fyrir vandamál sem áður voru of sértæk til að rata ofarlega á forgangslista nokkurs. Glufurnar sem stóru kerfin skilja eftir sig. Pirringurinn sem fólk hefur lært að lifa með. Vinnuflæðin sem eru næstum rétt, en aldrei alveg.

Þar vil ég vera. Byggja hluti sem taka raunverulegar þarfir alvarlega. Byrja á eigin reynslu, en gera þá betri í samtali við fólkið sem þekkir þetta af eigin raun.

Ef eitthvað af þessu hljómar kunnuglega, þá langar mig að heyra frá þér.